میڈیا کا بدلتا منظرنامہ قسط:14
میڈیا کا بدلتا منظرنامہ
تحریر: نقوشِ یکہتوی
قسط نمبر 14: میڈیا اور تفریح – سنجیدگی سے ہٹ کر سنسنی کی تلاش؟
تاریخ: 12 نومبر 2024 بروز منگل
میڈیا کا بدلتا منظرنامہ
تحریر: نقوشِ یکہتوی
قسط نمبر 14: میڈیا اور تفریح – سنجیدگی سے ہٹ کر سنسنی کی تلاش؟
تاریخ: 12 نومبر 2024 بروز منگل
میڈیا کا اصل مقصد عوام کو باخبر رکھنا، معلومات فراہم کرنا اور شعور بیدار کرنا تھا۔ لیکن وقت کے ساتھ میڈیا نے سنجیدہ خبروں اور معلوماتی مواد سے ہٹ کر تفریح اور سنسنی کو اپنی توجہ کا مرکز بنا لیا ہے۔ نیوز چینلز اور سوشل میڈیا پر جو سب سے زیادہ دیکھا جاتا ہے وہ سنسنی خیز خبریں ہیں، چاہے وہ سچائی پر مبنی ہوں یا نہ ہوں۔
موجودہ دور میں میڈیا کی توجہ اس بات پر ہے کہ ناظرین کو کیسے متوجہ رکھا جائے اور کس طرح ریٹنگز کو بڑھایا جائے۔ اسی مقصد کے تحت خبریں سنسنی خیز انداز میں پیش کی جاتی ہیں۔ جرائم حادثات اور سیاسی بیان بازی کو اس قدر بڑھا چڑھا کر دکھایا جاتا ہے کہ اصل حقائق پیچھے چھپ جاتے ہیں اور عوام صرف اس پر توجہ دیتے ہیں جو ان کے جذبات کو بھڑکائے۔
میڈیا کی تفریحی مواد میں سنجیدہ موضوعات کی کمی اور غیر ضروری ڈرامائی عناصر کا اضافہ اس بات کا ثبوت ہے کہ آج کی صحافت کا ایک بڑا حصہ صرف ناظرین کی تعداد بڑھانے کے لیے کام کر رہا ہے۔ اس سے نہ صرف عوام کے شعور کو نقصان پہنچتا ہے بلکہ صحافت کے اصل مقصد پر بھی سوالات اٹھتے ہیں۔
ضرورت اس امر کی ہے کہ میڈیا سنسنی خیزی اور تفریح کی دلدل سے باہر نکلے اور اپنی اصل ذمہ داریوں کی طرف واپس لوٹے تاکہ عوام کو وہ خبریں اور معلومات فراہم کی جا سکیں جو ان کے لیے واقعی اہم ہوں۔
(اگلی قسط میں: میڈیا اور سوشل انصاف – آواز دبانے کے ہتھکنڈے؟)
تبصرے