دارالعلوم وقف ایک علمی، فکری، تحریکی اور تجدیدی ادارہ ہے!

-

 دارالعلوم وقف ایک علمی، فکری، تحریکی اور تجدیدی ادارہ ہے!


محمد افضل حسین



مادرِ علمی دارالعلوم وقف دیوبند کے بنیادی مشائخِ عظام "حکیم الاسلام حضرت مولانا قاری محمد طیب صاحب قاسمی، علامہ انظر شاہ صاحب کشمیری، مفسرِ قرآن حضرت مولانا محمد نعیم صاحب دیوبندی، مفتئی اعظم حضرت مولانا محمد خورشید صاحب عثمانی، امام المنطق علامہ حسن صاحب باندویؒ، علومِ نانوتویؒ کے ترجمان خطیب الاسلام حضرت مولانا محمد سالم صاحب قاسمی، بےمثل منتظم متکلم اسلام حضرت مولانا محمد اسلم صاحب قاسمی، دارالعلوم وقف سے بےانتہاء محبت کرنے والے حضرت مولانا ومفتی محمد مشتاق صاحب قاسمی، علومِ نانوتویؒ کے شارح بحر العلوم حضرت مولانا محمد غلام نبی صاحب کشمیری، تقریر وتحریر میں یکتائے عصر حضرت مولانا محمد نسیم اختر شاہ قیصر صاحب مسعودی، عظیم محدث، مفسر اور مائےناز ادیب وانشاءپرداز حضرت مولانا محمد اسلام صاحب قاسمی (رحمھم اللہ تعالیٰ رحمة واسعة) نبیرئہِ حکیم الاسلام حضرت مولانا محمد سفیان صاحب قاسمی (مہتمم دارالعلوم وقف) حفیدِ کشمیریؒ حضرت مولانا محمد احمد خضر شاہ صاحب مسعودی کشمیری (شیخ الحدیث دارالعلوم وقف) عارف باللہ حضرت مولانا بابا فرید الدین صاحب قاسمی (شیخِ ثانی دارالعلوم وقف) اور علامہ قمر صاحب عثمانی" (عمرّکم اللہ تعالیٰ) نے جو کہ علم وعمل، فکر ونظر، اخلاص وللہیت، ورع وتقویٰ، زہد وغنا، عزم وہمت کے پیکر تھے، انہوں نے دارالعلوم وقف کو اپنے خونِ جگر سے سینچا، پروان چھڑایا اور ایک امتیازی شناخت تک پہنچایا ان نفوسِ قدسیہ نے ہم فضلاءِ جامعہ کو اپنی تقریر وتحریر میں یہ درس وپیغام دیا کہ دارالعلوم وقف مجدد الف ثانی شیخ احمد سرہندی فاروقیؒ، شاہ ولی اللہ محدث دہلویؒ، حجة الاسلام الامام محمد قاسم صاحب نانوتویؒ، ثانئیِ امام ابوحنیفہ حضرت مولانا محمد رشید احمد صاحب گنگوہیؒ، بحر العلوم حضرت مولانا محمد یعقوب صاحب نانوتویؒ جیسے اکابر کے افکار وانظار اقدار و روایات کا محافظ، امین اور پاسدار ہے، لہذا ان کے الفاظ ومعانی اور احساسات وجذبات کی ان الفاظ میں ترجمانی کی جاسکتی ہے کہ دارالعلوم وقف ایک علمی، فکری، تعمیری، تعمیقی، تجدیدی، تحریکی اور انقلابی ادارہ ہے جہاں طالبین علومِ نبوت کے فکر ونظر کو ایک صحیح رخ دے کر اس کو سنوارا، نکھارا اور پروان چڑھایا جاتا ہے ـ

دلی دعاہےکہ رب کریم ان تمام اکابر کے درجات کو بلند فرمائے، ان کی مخلصانہ خدمات کو قبول فرمائے اور ان کے لگائے ہوئے خوبصورت پودے "جو اب شجرِ سایہ دار بن چکا ہے" اور ہم مستفدین کی جانب سے بہترین جزا عطا فرمائے اور جو باحیات ہیں ان کو صحت وعافیت کے ساتھ عمرِ دراز عطا فرمائے… آمین

تبصرے

ایک تبصرہ شائع کریں

اس بلاگ سے مقبول پوسٹس

سال نو کے بدترین مفاسد اور ہماری ذمہ داریاں: قرآن و حدیث کی روشنی میں

-
تصویر
سال نو کے بدترین مفاسد اور ہماری ذمہ داریاں: قرآن و حدیث کی روشنی میں نقوشِ یَکْہَتْوِی  سال نو کی تقریبات اور ہماری ذمہ داریاں نقوشِ یَکْہَتْوِی  دنیا بھر میں سال نو کے آغاز پر مختلف تقریبات کا انعقاد کیا جاتا ہے، جن میں سے بعض تقریبات میں غیر اسلامی اور غیر اخلاقی سرگرمیاں شامل ہوتی ہیں۔ مسلمانوں کو اس موقع پر خاص طور پر محتاط رہنے کی ضرورت ہے تاکہ وہ ان غیر شرعی اعمال میں ملوث نہ ہوں جو ان کی دنیا اور آخرت کے لیے نقصان دہ ہیں۔ سال نو کا موقع صرف تفریح کے لیے نہیں بلکہ ہمیں اس پر غور کرنے کی ضرورت ہے کہ ہم نے گزشتہ سال کو کیسے گزارا اور نئے سال میں اپنی زندگی کو بہتر بنانے کے لیے کیا اقدامات اٹھا سکتے ہیں۔ ہم اس مضمون میں قرآن و حدیث کی روشنی میں ان مسائل کا جائزہ لیں گے۔ 1. وقت کی قدر: اسلامی تعلیمات میں وقت کی اہمیت اسلام میں وقت کو بے حد اہمیت دی گئی ہے۔ قرآن مجید میں اللہ تعالیٰ نے وقت کی قسم کھا کر اس کی قدر و قیمت بیان کی ہے: "وَالْعَصْرِ، إِنَّ الْإِنسَانَ لَفِي خُسْرٍ" (سورۃ العصر: ) "زمانے کی قسم! بے شک انسان خسارے میں ہے۔"   یہ آیت ہمیں بتاتی...
Read more »

طریقۂ نماز عیدین

-
تصویر
            طریقۂ نماز عیدین اسعد اقبال یکھتوی          جشن و تہوار منانا انسانی فطرت کا تقاضا ہے، اسلام میں بھی تہوار منانے کے لیے سال میں دو خاص دن مقرر کیے گئے ہیں_ ایک" عیدالفطر " دوسرا" عید الاضحی " عیدالفطر رمضان المبارک جیسے بابرکت و مقدس اور روحانیت سے بھرپور مہینہ میں روزہ اور عبادت کی توفیق ملنے اور خیر و عافیت کے ساتھ مکمل ہونے پر شوال کی پہلی تاریخ کو بطور شکرانہ منائی جاتی ہے _ عیدالفطر کی نماز واجب ہے اس کی ابتدا ١ ھجری یا ٢ ھجری میں ہوئی_ جمعہ کی نماز کے وجوب و صحت کے لئے جو شرائط ہیں وہی عیدین کے لئے بھی ہیں_ البتہ جمعہ کی نماز کے لیے نماز سے پہلے خطبہ فرض اور شرط ہے اس کے بغیر نماز جمعہ نہیں ہوتی _ اور عیدین کے لئے خطبہ سنت ہے_(نسائی صلوٰۃ العیدین قبل الخطبۃ)     طریقہ نماز عیدین نماز سے پہلے نیت کرنا ضروری ہے_ نیت کا معنی ہے دل میں ارادہ کرنا_ لہذا دل میں یہ ارادہ کرے کہ میں اس امام کے پیچھے عیدالفطر یا عید الاضحی کی دو رکعت عیدالفطر واجب نماز چھ زائد تکبیروں کے ساتھ پیچھے اس امام کے رخ میرا ...
Read more »

لڑکیوں کی تربیت سے متعلق ضروری باتیں

-
تصویر
 لڑکیوں کی تربیت سے متعلق ضروری باتیں (1) لڑکی کا مزاج خندہ پیشانی والا بنائیں کیونکہ وہ دوسرے کے گھر کی امانت ہے، لہذا امانت دینے کے بعد وہاں سے کوئی شکایت نہ آنے پائے۔ پس جب لڑکی خندہ پیشانی والی ہوگی تو ہر طرح کی آزمائش کا مقابلہ کر کے عزت کو باقی رکھے گی ۔ اس لیے تو اضع والا مزاج ضروری ہے۔  (۲) لڑکی کو سسرال کے افراد کے بارے میں اور خاص طور سے اس کو شوہر کے بارے میں مفید معلومات کرانا ضروری ہے۔ گھر میں رہنے سہنے کے تمام آداب و تمیز بتانے چاہئیں اور سسرال کی اہمیت کو بتانا چاہیے۔ بے ہمتی، احساس کمتری والی بات اور ایسی بات جس سے سسرال سے نفرت پیدا ہو جائے ، ہرگز نہیں بتانی چاہیے۔ اس طرح لڑکی کے سامنے اس کے شوہر کی تعریف کرنی چاہیے تا کہ اس کو شوہر سے محبت پیدا ہو۔ بعض والدین یا رشتہ دار کسی معمولی سی بات پر لڑکی کے سامنے اس کے شوہر کی غلطی بیان کرتے رہتے ہیں، یا اس کو ذلت کے ساتھ یاد کرتے ہیں، جس سے عورت کو اپنے شوہر سے نفرت پیدا ہو جاتی ہے۔ لہذا لڑکی کے سامنے شوہر کی شکایت کرنا لڑکی سے محبت نہیں عداوت ہے۔  (۳) شکوہ کا مزاج بالکل ختم کر دینا چاہیے۔ چوری ،جھوٹ بدزبانی ، ...
Read more »